La storia
1.929 - 1.939
Fondaziun y prömes sfides
La musiga Catarina Lanz é gnüda motüda sö l’ann 1929 dai iniziadus Bepo Trebo dal Sauter, Franz Kastlunger dal Medo, Pepi Canins dal Canins, Franz Call de Iosc y Jan Rungger de Berto. Sciömia che la situaziun poltica sot al rejim fascist n’ea nia la miú, s’ái dé da fá por la fondaziun. La musiga messâ sorantó l’ennom „Banda Musicale del Dopolavoro di San Vigilio di Marebbe“, deache vigne comun ea sot al control dl’organisaziun „Opera Nazionale del Dopolavoro“. La pröma proa gnea tignida tla slopetara, y ala fin de ma 1930 roâl alerch i pröms stromonc y les prömes trohtes. La musiga cumpedâ tal mëter man encër 25 mëmbri. La musiga á soné publicamonter le pröm iade ai 4 de jügn 1931 dala prozesciun dles Antlés.
Onoranzes
La musiga Catarina Lanz á tut pert plü gonot a n concurs regional por descmostré le talent. Tröc ti é garates dër bun y ai á albü suzes.
Ti agn á la musiga ciafé trëpes onoranzes. N valgönes de chëstes é:
Flicorno d'oro
02.04.2023
3. post
Un event dër important é l “Flicorno d’Oro” co vëgn tignit vigne ann a Riva del Garda cun plö che 1.000 musighes de düt l monn che tol pert.
VSM-Konzertwertung
02.05.2015
91,67 Punc
Dartan la festa dles musighes dla regiun á la musiga Catarina Lanz tut per ala valutaziun dl conzert dl VSM (Verband Südtiroler Musikkapellen). Sot al dirighent Eugen Passler á la musiga presenté dër n bel program y á arjunt n numer alt de punc.
Valutaziun musiga y marcé
15.07.2007
91,17 Punc
Dartan la 20. Festa dles musighes dl raiun á la muisga Catarina Lanz fat empara pla valutaziun da soné y marcé. Nia ma l soné mo ince l marcé é gnü valuté. Ince chiló a i musicontri y les musicontres arjunt n numer alt de punc.